عبث 2

وصلت لأبشع نقطة ابشع ما يمكن ان اصل اليه

الكراهية

لم ييبقى سوايا اكرهه

حزن دفين، الم، كلماتي تهرب مني

حتى هي لا تريدني

انسى الكلام وحلو الحياة واتذكر اقساها دموعها واوجاعها

يحاوطني شبحي عينا المرآة

يديق دربي يطردني من حلمي في الراحة والأمان

ابحث عن طيب الأخلاق
ضاعت مني احسها ليست انا فهي لشبح يدعي الشرف
اعيش قناع قناع لست انا حقيقته شبحي حقيقته هو ام انا
من يفكر من يتكلم من انا اين نفسي روحي ترحل واراقب
فمتى النهاية

عبث

قاسية هي الحياة

تعطي ما لا نريد

وتأخذ ما نريد

الحياة جنون

لا نملك منها شيء

سوى العبث

قاسية هي الحياة

تعطي ما لا نريد

وتأخذ ما نريد

الحياة جنون

لا نملك منها شيء

سوى العبث

الله يرحم كل أم وكل أب تنازلوا عن الأمومة والأبوة للخالة أو العم

الم

الم فظيييييع

بابا وحشني اوي 

كل سنة كان بيوحشني

كل يوم كل لحظة كان نفسي يبقى معايا 

الحلم حلم حلمته تخيلته فيه انه اب 

كل يوم باصحى الاقيه مات لحد ما ظهر وبرده لقيت ميت

ومات تاني لحد ما وصل للتراب وكأن التراب كان بعيد اوي 

اخد وقت عبال ما نزل تحته 

كل ما افتكره باخاف يا ترى هو حاله ايه 

وحالنا لما نبقى في المكان اللي هو فيه

هيبقى ايه

يارب اغفر لي ولوالدي اغفر لبابا ومش باقدر اكمل

كأن في حاجة بتسكتني وكأن حاجة بتقولي مهما دعيتي هو ده مكانه مالوش غيره

باشوفه

خايف بيهرب وحاله صعب اوي

ممممما اقدرش اوصفه

لا راد لقضاء الله 

عَجز

عجز في اللسان
لا يستطيع الكلام او اختيار كلمات في اي مواقف
عجز التعامل
مع فرد او جماعة
اه من اجتماعهما في جسد انسان
يكون عجز كلي وكأنه لا يملك اعضاء يندمج بها مع المحيطين
لا يقدر ان يوصل للآخرين حتى شعوره
ولا حتى ان يمثل عليهم دور ما
يؤدي إلى عجز كلي
في كل شيء
ولو وجد اللسان بلا عجز
وكان العجز عجز تعامل فقط (مش عارفة يمكن معاهم عجز في اللسان او انتقاء الكلمات) = عجز كلي
الحمد لله اعتقد اني اعاني عجز كلي بسبب عجز التعامل
لا استطيع التعامل مع ايهم
الحمد لله ادعوك يا الله ان ترحمني من عجزي
فليس كل من يعاني اعاقة عاجز فقد يكون هناك ما يعيق الانسان ويعجزه وهو صحيح البدن والعقل
اه من عجزي افقدني اناس احبهم ولا استطيع ان اكون حتى بتمثيل اللطف معهم
اه واه يا الله فمن لي سواك اشكو له
الحمد لله

فضفضة 1

كالعادة مش عارفة اقول ايه ولا حتى ابدأ بإيه ....
الوجع الغضب الفشل الغربة المرض ولا الحزن والحيرة ...
صعب ان الواحد يفضفض حتى لنفسه ويقول الجواه او المر بيه
وجع جوايا وجع فظيع
غضب ما اقدرش اقول وصل لايه
غربة بقت رفيتي في كل مكان حتى على سريري وقت ما اروح انام
مرض بقى العادي هو والألم في كل وقت ومكان حتى في الفرح بينغص كل حاجة
حزن وحيرة بقوا سيد الموقف
رحت لدكتور واتنين وثلاثة وكتير
من وانا لسة 6 سنين
كل الأوجاع وسيدهم السخنية تعلى وتقل طب في ايه مافيش
حتى النظر بيضعف اروح اعمل نظارة البسها كأنها ازاز مش بتغير من الرؤية شيء
اه والله صدقوني مش بتغير حاجة لابسة ازاز لدرجة قلت الدكاترة اتهبلوا مش بيعرفوا يشتغلوا
واللي بيعملوا النظارات بيقلبوا اي حاجة مش مهم
زهقت ...
اكمل بكرة بقى او بعدين بعد اي وقت مش مهم

وتوكل على الله الحي الذي لا يموت

باب ما كنش رحيم عليا وانا بنته
الله يرحمه ويغفرله ويدخله الجنة يارب

ماما مش هاتعيشله على طول ومشاعرها سابقها لو زعلت مني بتكشر في وشي تكشيرة يا ساتر يارب

بتعبث في وشي كتير وانا كمان وهي انسان لو اتكلت عليها هي مش باقية ارمي حملي عليها ليه وهي انسان

زي زيها اه ماما وكل حاجة بس تدبير الامور مش في اديها

**************

الحمد لله ان لينا رب واحد أحد رحمن رحيم باقي الحمد لله

اللهم أنت حسبي ووكيلي ما لي سواك وأنت أرحم الراحمين 

يارب اللهم لا تكلني إلى نفسي طرفة عين يارب ما تذلني لإنسان ولا تحوجني للإنسان

يارب لا تذرني فردا وأنت خير الوارثين

اللهم ارزقني الخير كله من حيث لا أحتسب اللهم ارزقني ما يرضيك ويرضيني وارضني به

اللهم عليك توكلت وإليك أنبت وإليك المصير

اللهم توفني مسلما اللهم توفني وأنت راض عني اللهم لا تقبض روحي إلا وأنت راض عني يا أرحم الراحمي

اللهم أدخلني مدخل صدق وأخرجني مخرج صدق

اللهم اجعل القرآن ربيع قلوبنا وجلاء همومنا ونور قبورنا

اللهم إني أسألك العافية في الدنيا والآخرة اللهم إني أسألك العفو والعافية في ديني ودنياي وأهلي ومالي، اللهم استر عوراتي وآمن روعاتي اللهم احفظني من بين يدي ومن خلفي ومن يميني وعن شمالي ومن فوقي وأعوذ بعظمتك أن أُغتال من تحتي

اللهم لك الحمد حتى ترضى ولك الحمد إذا رضيت ولك الحمد بعد الرضا

اللهم لك الحمد حمدا كثيرا كما ينبغي لجلال وجهك وعظيم سلطانك

والصلاة والسلام على سيدنا محمد صلى الله عليه وآله وسلم إلى يوم الدين

تخاريف

المشاعر والاحاسيس ملك للشخص نفسه وبس

انت ما تعرفش انا باحس بايه ولا انا اعرف انت بتحس بايه

سيبوا مشاعر الناس للناس

ليه اللعب بيها والاستهزا وعدم الاحساس

ليه انا اراعيك وانت لاء

ليه احس بيك وانت لاء

احساسي ملكي وشعور تجاه نفسي وتجاه اي حد ملكي انا بتاعي انا

كفاية بقى تعبت 

مباركة في خبر محزن مبكي في الحالات الطبيعية ما ينفعش

ما ينفعش ما ينفعش

مش قادرة انساها

تعبت منها

الحق حق ان يتبع

ما تقوليش اخوان وسلفيين
الكل مخطئ كل القوى السياسية باعت هعيب على الناس
طب البلد ما عتش ليها غير الناس شعبها اهلها
عمالها فلاحيها مدرسيها والعاطل اللي فيها
يعني ايه نقاطع ولا نسيب اصل الاخوان باعوا وسابونا
احنا مش بننصر الاخوان
احنا بنلحق نفسنا بنلحص مصر
علشان يوم القيامة الشهدا هيقولونا بعتونا وبعتوا دمنا فين القصاص فين حق الشهيد
ازاي اختار شفيق
او ازاي اقطاع علشان الاخوان ما يوصلوش ودي افضل طريقة لشفيق انه يزور انا لما اقاطع هو هيزور بكيفه
ولو بعيد الشر لا قدر الله شفيق نجح بالصندوق الانتخابي يعني احنا الشعب اديناله شرعية ادناله كل الصلاحيات والحرية لضرب الشعب
لو مدايق من الاخوان اللي الثورة خرجتهم من السجون ومقرات امن الدولة
ما تقلقش ولا تزل بكرة هتبقى انت وهو في زنزانة واحدة
شاركوا يرحمكم الله في الانتخابات الرئاسية اول انتخابات في مصر على مر التاريخ
اول مرة يبقالنا حق اننا نقول رأينا لو فوتناها بعندنا في بعض والاخوان هتكون اخر مرة
الحقوا نفسكوا وكبرك مش سامحلك تختار الاخوان
نزل منخيرك في الارض واسجد ربنا واستخيره
واسأله الافضل لمصر
وروح برده صلي استخارة وروح
ما تضيعوش مصر
واللي هيختار شفيق اعرف ان كل نقطة دم هتنزل هي في رقبتك
ادركوا ولو لمرة واحدة اللحظة الفاااااااااااااارقة

ذكريات بتوجع

يلا ما هو شكلي كده فاضية ولا ايه ماليش غير هنا :-)

بقيت نكدية ولا ايه والله شكلي كده طول عمري

يلا الحمد لله ربنا يصبرني على نفسي ويهديني

ما هو الصبر لوحده ما ينفعش لازم يكون في حراك

اه افتكرت اللي وجعني هو ده اللي هاكتب عنه

بابا .................. مش قادرة اكتب خليها فاضية يا شقاوة

خليه في قلبي ما انا ما عرفتش اقوله ليه وهو ما فهمهوش لوحده الله يرحمه

كفاية مش اقدرة لا اقوله لنفسي ولا اكتبه ليكي شقاوة ارحميني بقى انا تعبت

الله يرحمه ويغفرله ومش قادرة اقول اكتر من كده زي ما اي حد بيقول لأبوه مش قادرة اكتبه باخاف اشوفه اعيط

بس كان نفسي اقوله مع السلامة

كان نفسي اشوفه بس اللي حصل الحمد لله

ربنا يرحمه ربنا يرحمه ربنا يرحمه ويغفرله

قررت

هاكتب اللي مدايقني
مالمدونة بتاعتي ولا حد مشاركني فيها
يعني اكتب بكيفي ولا حد يقولي بتقولي ايه
من الاخر انا قرفااااااااانة
سياسة اه اصلها مقرفة اوي بتفكرني بحاجات مش سياسة خالص بس عديت بيها
الندالة - الوساخة - الوطيان - الظلم والافترا القهر والجبروت
اه ماهو كل الحاجات دي في الناس عادي
والناس بنتعامل معاها كل يوم يعني اكيد هتقابل الحاجات دي في الناس
فمابالك لما تبقى في السياسة ومصير دولة بحالها مش مصيرك لوحدك
يبقى كل حاجة هتبان
اه حتى الخير هيظهر يبان شوية
بس مين يغلب ما اعرفش
بس اكيد الصح اللي يجتمع عليه الناس ما اجتمعت امتي على باطل
ممممممممم
ربنا يسهل
اه صوتي لمرسي من غير كلام هو حد مجنون يقول شفيق لاء طبعا ايه شفيق ده
جه منين وامتى ده بقاله 30 سنة واكتر اه اكتر ده بقاله 60 سنة وشوف عنده كام سنة ظلم وسوابق
مرسي ومش هاقاطع الانتخابات مرسي وهادي صوتي للإسلاميين اللي غايظين العالم اولوعوا بقى اه اي يساري علماني شيوعي اشتراكي
ما هو لو كان صباحي اللي نجح ولا حد كان هينزل الميدان ويقول اتزورت كانوا هيسكتوا زي ما سكتوا وقت ابو اسماعيل
بس خلاص نقطة انتهـــــــــــــــــــــــــــــــــــــى

سنحيا كراما

مهما حاولوا يستعبدونا مش هانرجع عبيد تاني

سنحيا كراما

الفكرة ما بتموتش

http://www.youtube.com/watch?feature=player_embedded&v=ZMrSzYF3aVQ

حازم صلاح أبو إسماعيل

سواء تنتخبوني ان تنتخبوا غيري اننا ما نرجعش غنم نساق بالعصى

سنحيا كراما برغم القيود ... سنحيا كراما حياة الأسود

http://youtu.be/cQOEoKy8pUQ

لا معنى

اود ان اتحدث كثيرا

لكني لا املك لسان كي اتحدث من الأساس

فمن اين آتي بالكثير

أردت ان اكتب ما اريد قوله

بحثت عن قلمي وجدته مكسور

سألت نفسي عن ماذا اكتب

اجابتني هراء

كل ما تود كتابته هراء

لا معنى له ولا كلمات له

لا في قاموس ولا كتاب

ولا بين الناس

حتى الأطفال

من ينظر اليك

او لكتاباتك

او حتى اقوالك

ارحل ايها البائس

فانت تحتاج ان تبحث عن الكلمات

لا عن شيء يَذكر الكلمات

ان وجدتها ستجد قلماً ولساناً وصوتاً يُسمعها للناس

غير ذلك لا تجهد نفسك

في بحث لن تجده من الاساس

إرحل

إرحل بعيدا

ظننتك قريب حنون عطوف

لكنك مزقت كل المعاني

ارحل للأبد

امشي بقي

تعمل ايه وانت ماشي في يوم

لقيت انسان عارفه وحافظه

لامم حزن دفين

شايل مآسي جواه

وقع في قفص الاتهام

واتحاصر بظلم الناس

بين اتهام ظلم وغدر

وصرخ في وشك وقال

امشي بقي مش عايز اشوفك تاني

عيد سعيد

الناس كتير بس الصوت مش كتير والعيدية لما تبقي كلمة طيبة من القليل من الناس كتيرة وكبيرة

كل سنة وانت طيبة يا شقاوة

اهلا بالعيد بالناس الطيبة 

وضحكة احلى بنوتة صغنطوطة وفرحتها بالعيد احلى فرحة

اهلا اهلا بالعيد ... مرحب مرحب بالعيد

http://www.youtube.com/watch?v=xjMuyJipJGw 

فوائد قطع الكهرباء

من فوائد قطع الكهرباء

انك تنام بدري علشان تصحي فايق ورايق على الأخر الصبح بدري وتروح شغلك بنشاط

انك تنام خفيف علشان التلاجة مش هتقدر تقاوم الضلمة والأكل يبوظ

انك تتجمع لفترات طويلة مع باقي افراد عيلتك بدل ما انت مقضيها نت وشات وجرافيك وتكنولجيات

انك تعرف ان حكومتك بتخاف على مصلحتك وبتعدك عن المدونات اللي هتوديك اللومان

انك تعرف ان الحكومة بتساعدك في البحث عن الإلهام علشان شغل الماكس والمايا والسيما والفوتو وغيره وغيره 

انك تعرف ان الحكومة بتخاف على صحتك من شرب الماء البارد احسن يجبلك احتقان في الزور

وعلشان تعرف اد ايه الحكومة بتهتم انك تصلي في وقت الصلاة بالظبط علشان لو اتأخرت ممكن ما تلاقيش ماية تتوضا بيها

علشان تقدر مجهود الحكومة في الحفاظ على مرتبك وتقلل من المبالغ الرهيبة اللي بتيجي في الفاتورة اخر كل شهر

وعلشان كل حرامي بيخاف من النور يقدر يمارس عمله في أوقات طويلة من اليوم 

علشان تقدر قيمة الجاز والعالم اللي عمل لمبة الجاز 

علشان ما تنساش اهلك زمان كانوا عايشين ازاي وتعيش عيشة أهلك لا تهلك

عزيزي الشعب المحروس من العين

ابن البلد

ابن مصر المحروسة

بلاش لمبة

انت نورها

Sh2awaaa

ابحث عن الرحيل

ابحث عن الرحيل

تائه مني او هربان

فكرت في  المطاردة

ما كسبت منها سوى الركض والهرولة

من جهة إلى أخرى

ابحث وابحث

فيها انتقلت بين العواصف الرعدية

وبين الطرق المزدحمة 

وسمعت هتافات الناس وشجارهم

خفت ان اذهب إلى مكان من هذا او ذاك

ففضلت العودة إلى مكاني الذي أعرف

فهو يأويني من برد أو حر

ربما 

Sh2awaaa