شخابيط

السبت، 11 أكتوبر 2014

اصبر واحتسب

فصبر جميل اصبر

واحتسب ولا تتذمر

ولا تكثر من قول الآه

واعلم أن الله إذا أحب عبدًا ابتلاه

اصبر واحتسب وستجني ما تتمناه

بالجهد والتوكل يحقق العبد مناه

السبت، 30 أغسطس 2014

اشتياق

مش قادرة اقول اشتقت للكلمة الصعبة دي

بس اشتقت لحاجة اصعب

بس هم الاتنين بيوجعوا اوي

بس انا كنت باحبه اوي

ربنا يرحمه ويغفر له

مشتاقة لحاجات ما عتشتهاش كتير

بس نفسي أعيشها في بكرة

يا رب اصلح لي نفسي وعيشي وديني اصلح لي أمري كله يا رب

حسبنا الله سيؤتنا الله من فضله إنا إلى الله راغبون

الأحد، 22 يونيو 2014

ليس بيتي

منذ أن عُدت وهو ليس بيتي

أحاول إزاحة ذلك مني

ولكن كل يوم أوقن بهذا

فليس لي فيه مكان

ليس بيتي

بيت استضافة

ربما

لكنه ليس بيتًا لي

ولا يحوني

كبرت المساحة صغرت

ملكي ملك غيري

ليس بيتي

ليس لي فيه مكان

هو سجن المغتربات

غريبة

نعم إنها غربة

غربة

نحن غرباء فيه

السبت، 16 مارس 2013

الليـــــــــــــــــــــــــــــل

الليل طول عمري باحب اسهر
واصحى بالليل
وأنام الصبح
واصحى متأخر
بقيت باصحى ومافيش نوم
نوم قليل
عادي وحدة سواد ضلمة حزن
بس مش طبيعي ان الليل يبقى فيه الحاجات دي لا ممكن يكون طبيعي الليل لقيام الليل وانا باسهر اشتغل
مش اقيم الليل يارب هو لما اكتب اللي مدايقني انا كده ابقى مش راضية؟
مش عارفة
ساعات كتير باحس ان ربنا بعيد اوي عني لاني بعيدة عنه بس ربنا قال اني قريب اجيب دعوة الداعي يا رب بادعيك استجب لي
يا رب انا خايفة كل يوم باخاف مش باخاف انا كل يوم خايفة باتكلم مع اللي معايا في البيت عادي ويمكن مش بياخدوا بالهم وانا كده عادي بس انا خايفة على طول نفسي اهدى مش عارفة
باقول مش كل حاجة اقول انها بسبب العمل والسحر لا في حاجات اكيد نابعة مننا من افعالنا هو ابتلاء بس انا مش قادرة اتأقلم! يمكن
يمكن مش راضية بس انا راضية بس باخاف من الناس اللي معايا انا باخاف من ماما صراحة باخاف زي ما كنت باخاف من بابا
باخاف من ش من نفسي من س من كل حد هنا يارب باخاف بجد
ساعات لما باقعد افكر باقول لنفسي ايه اللي انا بافكر فيه ده ايه اللي باقوله لنفسي ايه اللي باكتبه باحس اني مجنونة
صعب اوي
ساعات كتير باحاول اقنع نفسي انا مجنووووووووووووووووووووونة
مش طبييعية انا مش انا مش انسان طبيعي كده انا مش راضية صح
يعني مش صابرة يعني انا باضيع كل ثواب ممكن ربنا يديهولي من البلاء ده! @O@ ايه ده
ساعات بابقى عايزة اسمع كلام واوقات تانية باحس ان الكلام اضعف اوي من تفكيري او الكلام اللي باصبر بيه نفسي فمش ببقى عايزة اسمعه لان ولا يساوي
واوقات تانية بابقى مش طايقة اسمع عايزة اتكلم
بس في كل الأحوال انا مش باوصل لاي حاجة لا باسمع ولا باتكلم مش باسمع لاني مش بالاقي اللي يكلمني ولا باتكلم لاني مش باعرف اتكلم فهسسسسسسس الصمت هو السائد رفيقي دائما حتى لما باتكلم باحس اني بارغي في لاشيء ولا حاجة من اللي باقولها حقيقة ولا اللي انا عايزة اقوله فعلا اديني بارغي وخلاص في اللاشيء :d
طيب عادي حتى ده اي حاجة اي حاجة
الحمد لله الحمد لله الحمد لله الحمد لله

الأحد، 3 فبراير 2013

عبث 2

وصلت لأبشع نقطة ابشع ما يمكن ان اصل اليه

الكراهية

لم ييبقى سوايا اكرهه

حزن دفين، الم، كلماتي تهرب مني

حتى هي لا تريدني

انسى الكلام وحلو الحياة واتذكر اقساها دموعها واوجاعها

يحاوطني شبحي عينا المرآة

يديق دربي يطردني من حلمي في الراحة والأمان

ابحث عن طيب الأخلاق
ضاعت مني احسها ليست انا فهي لشبح يدعي الشرف
اعيش قناع قناع لست انا حقيقته شبحي حقيقته هو ام انا
من يفكر من يتكلم من انا اين نفسي روحي ترحل واراقب
فمتى النهاية

عبث

قاسية هي الحياة

تعطي ما لا نريد

وتأخذ ما نريد

الحياة جنون

لا نملك منها شيء

سوى العبث

قاسية هي الحياة

تعطي ما لا نريد

وتأخذ ما نريد

الحياة جنون

لا نملك منها شيء

سوى العبث

الاثنين، 14 يناير 2013

الله يرحم كل أم وكل أب تنازلوا عن الأمومة والأبوة للخالة أو العم

الجمعة، 19 أكتوبر 2012

الم

الم فظيييييع

بابا وحشني اوي

كل سنة كان بيوحشني

كل يوم كل لحظة كان نفسي يبقى معايا

الحلم حلم حلمته تخيلته فيه انه اب

كل يوم باصحى الاقيه مات لحد ما ظهر وبرده لقيت ميت

ومات تاني لحد ما وصل للتراب وكأن التراب كان بعيد اوي

اخد وقت عبال ما نزل تحته

كل ما افتكره باخاف يا ترى هو حاله ايه

وحالنا لما نبقى في المكان اللي هو فيه

هيبقى ايه

يارب اغفر لي ولوالدي اغفر لبابا ومش باقدر اكمل

كأن في حاجة بتسكتني وكأن حاجة بتقولي مهما دعيتي هو ده مكانه مالوش غيره

باشوفه

خايف بيهرب وحاله صعب اوي

ممممما اقدرش اوصفه

لا راد لقضاء الله

الأحد، 30 سبتمبر 2012

عَجز

عجز في اللسان
لا يستطيع الكلام او اختيار كلمات في اي مواقف
عجز التعامل
مع فرد او جماعة
اه من اجتماعهما في جسد انسان
يكون عجز كلي وكأنه لا يملك اعضاء يندمج بها مع المحيطين
لا يقدر ان يوصل للآخرين حتى شعوره
ولا حتى ان يمثل عليهم دور ما
يؤدي إلى عجز كلي
في كل شيء
ولو وجد اللسان بلا عجز
وكان العجز عجز تعامل فقط (مش عارفة يمكن معاهم عجز في اللسان او انتقاء الكلمات) = عجز كلي
الحمد لله اعتقد اني اعاني عجز كلي بسبب عجز التعامل
لا استطيع التعامل مع ايهم
الحمد لله ادعوك يا الله ان ترحمني من عجزي
فليس كل من يعاني اعاقة عاجز فقد يكون هناك ما يعيق الانسان ويعجزه وهو صحيح البدن والعقل
اه من عجزي افقدني اناس احبهم ولا استطيع ان اكون حتى بتمثيل اللطف معهم
اه واه يا الله فمن لي سواك اشكو له
الحمد لله

الأربعاء، 19 سبتمبر 2012

فضفضة 1

كالعادة مش عارفة اقول ايه ولا حتى ابدأ بإيه ....
الوجع الغضب الفشل الغربة المرض ولا الحزن والحيرة ...
صعب ان الواحد يفضفض حتى لنفسه ويقول الجواه او المر بيه
وجع جوايا وجع فظيع
غضب ما اقدرش اقول وصل لايه
غربة بقت رفيتي في كل مكان حتى على سريري وقت ما اروح انام
مرض بقى العادي هو والألم في كل وقت ومكان حتى في الفرح بينغص كل حاجة
حزن وحيرة بقوا سيد الموقف
رحت لدكتور واتنين وثلاثة وكتير
من وانا لسة 6 سنين
كل الأوجاع وسيدهم السخنية تعلى وتقل طب في ايه مافيش
حتى النظر بيضعف اروح اعمل نظارة البسها كأنها ازاز مش بتغير من الرؤية شيء
اه والله صدقوني مش بتغير حاجة لابسة ازاز لدرجة قلت الدكاترة اتهبلوا مش بيعرفوا يشتغلوا
واللي بيعملوا النظارات بيقلبوا اي حاجة مش مهم
زهقت ...
اكمل بكرة بقى او بعدين بعد اي وقت مش مهم

الأحد، 5 أغسطس 2012

وتوكل على الله الحي الذي لا يموت

باب ما كنش رحيم عليا وانا بنته
الله يرحمه ويغفرله ويدخله الجنة يارب

ماما مش هاتعيشله على طول ومشاعرها سابقها لو زعلت مني بتكشر في وشي تكشيرة يا ساتر يارب

بتعبث في وشي كتير وانا كمان وهي انسان لو اتكلت عليها هي مش باقية ارمي حملي عليها ليه وهي انسان

زي زيها اه ماما وكل حاجة بس تدبير الامور مش في اديها

**************

الحمد لله ان لينا رب واحد أحد رحمن رحيم باقي الحمد لله

اللهم أنت حسبي ووكيلي ما لي سواك وأنت أرحم الراحمين

يارب اللهم لا تكلني إلى نفسي طرفة عين يارب ما تذلني لإنسان ولا تحوجني للإنسان

يارب لا تذرني فردا وأنت خير الوارثين

اللهم ارزقني الخير كله من حيث لا أحتسب اللهم ارزقني ما يرضيك ويرضيني وارضني به

اللهم عليك توكلت وإليك أنبت وإليك المصير

اللهم توفني مسلما اللهم توفني وأنت راض عني اللهم لا تقبض روحي إلا وأنت راض عني يا أرحم الراحمي

اللهم أدخلني مدخل صدق وأخرجني مخرج صدق

اللهم اجعل القرآن ربيع قلوبنا وجلاء همومنا ونور قبورنا

اللهم إني أسألك العافية في الدنيا والآخرة اللهم إني أسألك العفو والعافية في ديني ودنياي وأهلي ومالي، اللهم استر عوراتي وآمن روعاتي اللهم احفظني من بين يدي ومن خلفي ومن يميني وعن شمالي ومن فوقي وأعوذ بعظمتك أن أُغتال من تحتي

اللهم لك الحمد حتى ترضى ولك الحمد إذا رضيت ولك الحمد بعد الرضا

اللهم لك الحمد حمدا كثيرا كما ينبغي لجلال وجهك وعظيم سلطانك

والصلاة والسلام على سيدنا محمد صلى الله عليه وآله وسلم إلى يوم الدين

الاثنين، 11 يونيو 2012

تخاريف

المشاعر والاحاسيس ملك للشخص نفسه وبس

انت ما تعرفش انا باحس بايه ولا انا اعرف انت بتحس بايه

سيبوا مشاعر الناس للناس

ليه اللعب بيها والاستهزا وعدم الاحساس

ليه انا اراعيك وانت لاء

ليه احس بيك وانت لاء

احساسي ملكي وشعور تجاه نفسي وتجاه اي حد ملكي انا بتاعي انا

كفاية بقى تعبت

مباركة في خبر محزن مبكي في الحالات الطبيعية ما ينفعش

ما ينفعش ما ينفعش

مش قادرة انساها

تعبت منها

الخميس، 31 مايو 2012

الحق حق ان يتبع

ما تقوليش اخوان وسلفيين
الكل مخطئ كل القوى السياسية باعت هعيب على الناس
طب البلد ما عتش ليها غير الناس شعبها اهلها
عمالها فلاحيها مدرسيها والعاطل اللي فيها
يعني ايه نقاطع ولا نسيب اصل الاخوان باعوا وسابونا
احنا مش بننصر الاخوان
احنا بنلحق نفسنا بنلحص مصر
علشان يوم القيامة الشهدا هيقولونا بعتونا وبعتوا دمنا فين القصاص فين حق الشهيد
ازاي اختار شفيق
او ازاي اقطاع علشان الاخوان ما يوصلوش ودي افضل طريقة لشفيق انه يزور انا لما اقاطع هو هيزور بكيفه
ولو بعيد الشر لا قدر الله شفيق نجح بالصندوق الانتخابي يعني احنا الشعب اديناله شرعية ادناله كل الصلاحيات والحرية لضرب الشعب
لو مدايق من الاخوان اللي الثورة خرجتهم من السجون ومقرات امن الدولة
ما تقلقش ولا تزل بكرة هتبقى انت وهو في زنزانة واحدة
شاركوا يرحمكم الله في الانتخابات الرئاسية اول انتخابات في مصر على مر التاريخ
اول مرة يبقالنا حق اننا نقول رأينا لو فوتناها بعندنا في بعض والاخوان هتكون اخر مرة
الحقوا نفسكوا وكبرك مش سامحلك تختار الاخوان
نزل منخيرك في الارض واسجد ربنا واستخيره
واسأله الافضل لمصر
وروح برده صلي استخارة وروح
ما تضيعوش مصر
واللي هيختار شفيق اعرف ان كل نقطة دم هتنزل هي في رقبتك
ادركوا ولو لمرة واحدة اللحظة الفاااااااااااااارقة

الاثنين، 28 مايو 2012

ذكريات بتوجع

يلا ما هو شكلي كده فاضية ولا ايه ماليش غير هنا :-)

بقيت نكدية ولا ايه والله شكلي كده طول عمري

يلا الحمد لله ربنا يصبرني على نفسي ويهديني

ما هو الصبر لوحده ما ينفعش لازم يكون في حراك

اه افتكرت اللي وجعني هو ده اللي هاكتب عنه

بابا .................. مش قادرة اكتب خليها فاضية يا شقاوة

خليه في قلبي ما انا ما عرفتش اقوله ليه وهو ما فهمهوش لوحده الله يرحمه

كفاية مش اقدرة لا اقوله لنفسي ولا اكتبه ليكي شقاوة ارحميني بقى انا تعبت

الله يرحمه ويغفرله ومش قادرة اقول اكتر من كده زي ما اي حد بيقول لأبوه مش قادرة اكتبه باخاف اشوفه اعيط

بس كان نفسي اقوله مع السلامة

كان نفسي اشوفه بس اللي حصل الحمد لله

ربنا يرحمه ربنا يرحمه ربنا يرحمه ويغفرله

قررت

هاكتب اللي مدايقني
مالمدونة بتاعتي ولا حد مشاركني فيها
يعني اكتب بكيفي ولا حد يقولي بتقولي ايه
من الاخر انا قرفااااااااانة
سياسة اه اصلها مقرفة اوي بتفكرني بحاجات مش سياسة خالص بس عديت بيها
الندالة - الوساخة - الوطيان - الظلم والافترا القهر والجبروت
اه ماهو كل الحاجات دي في الناس عادي
والناس بنتعامل معاها كل يوم يعني اكيد هتقابل الحاجات دي في الناس
فمابالك لما تبقى في السياسة ومصير دولة بحالها مش مصيرك لوحدك
يبقى كل حاجة هتبان
اه حتى الخير هيظهر يبان شوية
بس مين يغلب ما اعرفش
بس اكيد الصح اللي يجتمع عليه الناس ما اجتمعت امتي على باطل
ممممممممم
ربنا يسهل
اه صوتي لمرسي من غير كلام هو حد مجنون يقول شفيق لاء طبعا ايه شفيق ده
جه منين وامتى ده بقاله 30 سنة واكتر اه اكتر ده بقاله 60 سنة وشوف عنده كام سنة ظلم وسوابق
مرسي ومش هاقاطع الانتخابات مرسي وهادي صوتي للإسلاميين اللي غايظين العالم اولوعوا بقى اه اي يساري علماني شيوعي اشتراكي
ما هو لو كان صباحي اللي نجح ولا حد كان هينزل الميدان ويقول اتزورت كانوا هيسكتوا زي ما سكتوا وقت ابو اسماعيل
بس خلاص نقطة انتهـــــــــــــــــــــــــــــــــــــى