قلوب لا ترضى

البحث عن اللامسئولية

تمني الفرح والسعادة دون أن نعرف ما يفرح النفس

حتى إذا مرت لم نلحظ وتمر مرور الكرام

نشكو الهم والحزن والبلاء

وهو من أفعالنا وما عملته أيدينا

تبادل أدوار

اجلسي وكوني انا

وانظريني وانظري نفسك

هل ستكونين أنت كما تمنيت ان اكون معك

هل ستكونين انا كمان كنت معك

أي فعل سيكون
وأي قول

فلو أكن أنا أنا وأنا أنت

وأنت أنت وأنت أنا

ما الكلام الذي يقال والفعل الذي يكون

والمكان الذي نذهب

والصراخ علا

والدمع سال

وحل الصمت

بركان صمت هامد

ويبقى الصمت

والبركان في صدري

ينهش قلبي

تكاد نفسي تنفجر 

آآآآآآآآآآآآآآآه من صمتي وضيقي مني لنفسي

حزن يملؤني

وحيدة وليس لي غيرك

إليك المشتكى ربي 

ضااااااااااااااااااااااااااااااااااااااااقت الأرض بما رحبت

ومن لي إلاك ينجيني

القوارير

رفقًا بالقوارير
أصبحت جملة يتداولها اي مار على الجُمل والعبارات مرور الكرام

الذين لا يعبؤن بالكلمات ولا يعيرونها اهتمام

يظهر الشفقة وينطق حروف مبعثرة تكون جملة مفيدة لا يفقهها قائلها ر ف ق ـا بـ ـا لـ قـ ـوا ر ي ـر

يليها الكثير من الطعنات التي لا يتحملها قائلها

فأيها المار إن كنت كريما بحق ... #رفقًا_بالقوارير

ورفقا بنفسك الهالكة بأفعالك

عن الكِبْر

إن تفهمنا قول (كل ابن آدم خطاء)

لخجل كل إنسان رأى في فعله الصواب وأعجب بنفسه

قد تخطئ فكيف قيمت فعلك على أن هو صواب

بل كيف ترى نفسك صواب

كيف تمدح نفسك وتوصل لعقلك وفهمك أنت من فعل الصواب وأنت على الصواب بل أنت الصواب ذاته أيضًا

سخرية نعم أسخر

وقد يمر بنا العمر نصنع أشياء على أنها الصواب وأننا أذكى أذكياء العالم في التخلص من الصعاب ومساعدة كل محتاج ونحن المظلومين الذين لا يراهم أحد

وفجأة وبعد فوات الآوان نجدنا نحن الأخسرين أعمالا

مخيفة هذه الآية مرعبة {الَّذِينَ ضَلَّ سَعْيُهُمْ فِي الحَيَاةِ الدُّنْيَا وهُمْ يَحْسَبُونَ أَنَّهُمْ يُحْسِنُونَ صُنْعًا } كيف بعدها نغتر بأنفسنا

يا نفس لا تغتر

ولا تزكي نفسك

يا نفسي إياك والكبر فأنت خطأ في الكثير قد تعلمي وقد لا تعلمي

يا نفسي تهذبي

واخشي ربك 

احذري يوما تقفين فيه وكل هذا أمامك ألن تخافي من النظر له بل وتنكريه

يا نفس لا تتكبري

كِبرك لن ينفعك

شعورك الدائم بالظلم لن ينجيك بل قد يهلكك ويلقيك في الهُوة وقد تتحولي إلى أسوأ من الظالم نفسه

احذري احذري احذري

يا بخت من بات مظلوم ولا باتش ظالم

اللهم لا تذرني فردًا وأنت خير الوارثين

كم أتمنى أن أجلس مع أحد
يتحدث لي أسمعه ويسمعني وتكون لي القدرة على الحديث والسماع
والفهم والتعلملا ينفر مني ولا يذهب بعيدا أو يُنهي الحديث
لغباء صدر مني أو فعل خاطئ مني
بي الكثير من الغباوة والعصبية والهمجية والهجوم الذي ينفر اي صبور مني
نعم هي لم تخطئ عندما قالت ليأنت سيئة اللسان والكلام لم تخطئ أبدًا
أنا أسوأ ما يكون فعلاولم تخطئ عندما قالت لن يأتيني أحد إلا أن يراني يعجب بمنظر فقط ثم يُبتلىعذرا نفسي فما عذبك سواي أناسلام عليكفقط سأدعو الله أن يبدلني لحال أفضل ويُحسن خُلقي وطبعي وفعلي وعمليوأن يرزقني العلم النافع والعمل الصالح
وما تشاءون إلا أن يشاء الله يا رب لك الحمد كما ينبغي لجلال وجهك وعظيم سلطانك
يا رب سيظل في أمل أن تخيب حديثها ولا يكون هو الواقع
وأن تبدلني لما تُحب وترضىالحمد لله على كل شيءاللهم لا تذرني فردًا وأنت خير الوارثين

نخاريف

وعن لحظة كنت بافكر هي ايه الكلمة اللي المفروض تتقال

او الجملة او رد الفعل المفروض يكون ايه

عن لحظة كنت صغيرة

بس ما اتعلمتش ولا عرفت

وبكل ما في اللحظة نفسها

بس بقيت كبيرة 

والنظرة اختلفت

عن ناس فجأة بقيت أشوفهم

عن وقت كنت أعرف ناس وماعتش باشوفهم

عن وقت صرخت عايزة اروح اي مكان

وكان الرد هو كده

ورفضوا يساعدوني إلا باللوم وإنه ما يصحش وما ينفعش والمفروض ويجب وكان 

.

.

.

وفجأة لقيتني كبيرة ومطالبة بتطبيق كل خبرات انا ما عرفتهاش :(

خوف قلق وحدة فشل

فقط

لكل إنسان نقطة عجز تعجزه عن أشياء وتضيق صدره في أشياء

عجز لسان

عجز حواس

عجز فعل

عجز حركة

عجز داخلي

عجز دفين

هل حقا

لكل إنسان نقطة عجز

:|

مش بالضرورة إن اللي بيسعدك 

يكون هو اللي يسعد غيرك :(

مش شرط على فكرة

يا رب

يا إلهي يا رجائي ... طمئن القلب الحزين

ازعل حقك ... بس اوعى تشكي إلا لربك

اعمل طرطور بمزاجك

موضوع يخصك بس ممنوع الكلام فيه معاك

كل من حول حديثهم فيه وعنك

بس انت ممنوع التدخل الى حين اخذ القرار او لف وبرم الرأي عليك

اسمها عندهم البحث عن الصالح العام

واقع الأمر قرطستك والغيبة وهري الكلام عليك

اعمل نفسك عبيط بكيفك لما تقول لحد منهم 

كلمني انا وعرفني انا بعيد عنهم

هيقولك عالعين والراس يا نور العين

هو انا هاعمل ده بالظبط

وما يحدث غير ما يُحكى

يبقى ما تطلبش طالما مش هيحصل

اسكت صمتك افضل

عايز تحكي وتفضفض

كلم ربك عالم بيك واللي في قلبك

من غير ما تقول

سرك عنده مش هيبوح ده ربك بيحل ويحقق اماني ما جاتش على بالك

ازعل حقك

بس اوعى تشكي الا لربك

اللهم أشكو بثي وحزني إلى الله

في القلب بكاء وأنين
خوف وذنوب
لا يمحوهم ولا يغفر إلاك يا رب العالمين
من يسمعه ما فيه سواك
يا إلهي أنت القادر وحدك
من لي سواك
أنت السميع العليم مطلع على ما في الصدور
يا رب أنزل السكينة والطمأنية على هذا القلب
الذي تقلبه بين اصبعيك
يا أرحم الراحمين ثبته على دينك
واربط عليه وقويه لما هو صالح لديني
اغسله من المعاصي والآفات
جدد الإيمان فيه
ارحمه واعفُ عنه
يا رب يا رب يا رب
أزل الخوف من قلبي والهمني الرشد والسبيل وقربني إليك ما حييت
واجعلني من عبادك الصالحين
اللهم ازل همي وخوفي وحزني ووحدتي
كيف اكون خائف مهموم حزين وحيد وأنت رب العالمين
أقرب إليّ من حبل الوريد أحن من أمي عليّ أنت العفو الرؤوف
يا رب يا سامع ندائي يا عالم بما لم أقوله يا عالم ما لا أعلم ولا أفهم
الطف بي

اصبر واحتسب

فصبر جميل اصبر

واحتسب ولا تتذمر

ولا تكثر من قول الآه 

واعلم أن الله إذا أحب عبدًا ابتلاه 

اصبر واحتسب وستجني ما تتمناه 

بالجهد والتوكل يحقق العبد مناه

اشتياق

مش قادرة اقول اشتقت للكلمة الصعبة دي

بس اشتقت لحاجة اصعب 

بس هم الاتنين بيوجعوا اوي

بس انا كنت باحبه اوي

ربنا يرحمه ويغفر له

مشتاقة لحاجات ما عتشتهاش كتير

بس نفسي أعيشها في بكرة

يا رب اصلح لي نفسي وعيشي وديني اصلح لي أمري كله يا رب

حسبنا الله سيؤتنا الله من فضله إنا إلى الله راغبون

ليس بيتي

منذ أن عُدت وهو ليس بيتي

أحاول إزاحة ذلك مني

ولكن كل يوم أوقن بهذا

فليس لي فيه مكان

ليس بيتي

بيت استضافة

ربما

لكنه ليس بيتًا لي

ولا يحوني

كبرت المساحة صغرت

ملكي ملك غيري

ليس بيتي

ليس لي فيه مكان

هو سجن المغتربات

غريبة

نعم إنها غربة

غربة

نحن غرباء فيه

الليـــــــــــــــــــــــــــــل

الليل طول عمري باحب اسهر
واصحى بالليل
وأنام الصبح
واصحى متأخر
بقيت باصحى ومافيش نوم
نوم قليل
عادي وحدة سواد ضلمة حزن
بس مش طبيعي ان الليل يبقى فيه الحاجات دي لا ممكن يكون طبيعي الليل لقيام الليل وانا باسهر اشتغل
مش اقيم الليل يارب هو لما اكتب اللي مدايقني انا كده ابقى مش راضية؟
مش عارفة
ساعات كتير باحس ان ربنا بعيد اوي عني لاني بعيدة عنه بس ربنا قال اني قريب اجيب دعوة الداعي يا رب بادعيك استجب لي
يا رب انا خايفة كل يوم باخاف مش باخاف انا كل يوم خايفة باتكلم مع اللي معايا في البيت عادي ويمكن مش بياخدوا بالهم وانا كده عادي بس انا خايفة على طول نفسي اهدى مش عارفة
باقول مش كل حاجة اقول انها بسبب العمل والسحر لا في حاجات اكيد نابعة مننا من افعالنا هو ابتلاء بس انا مش قادرة اتأقلم! يمكن
يمكن مش راضية بس انا راضية بس باخاف من الناس اللي معايا انا باخاف من ماما صراحة باخاف زي ما كنت باخاف من بابا
باخاف من ش من نفسي من س  من كل حد هنا يارب باخاف بجد
ساعات لما باقعد افكر باقول لنفسي ايه اللي انا بافكر فيه ده ايه اللي باقوله لنفسي ايه اللي باكتبه باحس اني مجنونة
صعب اوي
ساعات كتير باحاول اقنع نفسي انا مجنووووووووووووووووووووونة
مش طبييعية انا مش انا مش انسان طبيعي كده انا مش راضية صح
يعني مش صابرة يعني انا باضيع كل ثواب ممكن ربنا يديهولي من البلاء ده! @O@ ايه ده
ساعات بابقى عايزة اسمع كلام واوقات تانية باحس ان الكلام اضعف اوي من تفكيري او الكلام اللي باصبر بيه نفسي فمش ببقى عايزة اسمعه لان ولا يساوي
واوقات تانية بابقى مش طايقة اسمع عايزة اتكلم
بس في كل الأحوال انا مش باوصل لاي حاجة لا باسمع ولا باتكلم مش باسمع لاني مش بالاقي اللي يكلمني ولا باتكلم لاني مش باعرف اتكلم فهسسسسسسس الصمت هو السائد رفيقي دائما حتى لما باتكلم باحس اني بارغي في لاشيء ولا حاجة من اللي باقولها حقيقة ولا اللي انا عايزة اقوله فعلا اديني بارغي وخلاص في اللاشيء :d
طيب عادي حتى ده اي حاجة اي حاجة
الحمد لله الحمد لله الحمد لله الحمد لله

عبث 2

وصلت لأبشع نقطة ابشع ما يمكن ان اصل اليه

الكراهية

لم ييبقى سوايا اكرهه

حزن دفين، الم، كلماتي تهرب مني

حتى هي لا تريدني

انسى الكلام وحلو الحياة واتذكر اقساها دموعها واوجاعها

يحاوطني شبحي عينا المرآة

يديق دربي يطردني من حلمي في الراحة والأمان

ابحث عن طيب الأخلاق
ضاعت مني احسها ليست انا فهي لشبح يدعي الشرف
اعيش قناع قناع لست انا حقيقته شبحي حقيقته هو ام انا
من يفكر من يتكلم من انا اين نفسي روحي ترحل واراقب
فمتى النهاية

عبث

قاسية هي الحياة

تعطي ما لا نريد

وتأخذ ما نريد

الحياة جنون

لا نملك منها شيء

سوى العبث

قاسية هي الحياة

تعطي ما لا نريد

وتأخذ ما نريد

الحياة جنون

لا نملك منها شيء

سوى العبث

الله يرحم كل أم وكل أب تنازلوا عن الأمومة والأبوة للخالة أو العم

الم

الم فظيييييع

بابا وحشني اوي 

كل سنة كان بيوحشني

كل يوم كل لحظة كان نفسي يبقى معايا 

الحلم حلم حلمته تخيلته فيه انه اب 

كل يوم باصحى الاقيه مات لحد ما ظهر وبرده لقيت ميت

ومات تاني لحد ما وصل للتراب وكأن التراب كان بعيد اوي 

اخد وقت عبال ما نزل تحته 

كل ما افتكره باخاف يا ترى هو حاله ايه 

وحالنا لما نبقى في المكان اللي هو فيه

هيبقى ايه

يارب اغفر لي ولوالدي اغفر لبابا ومش باقدر اكمل

كأن في حاجة بتسكتني وكأن حاجة بتقولي مهما دعيتي هو ده مكانه مالوش غيره

باشوفه

خايف بيهرب وحاله صعب اوي

ممممما اقدرش اوصفه

لا راد لقضاء الله