تعمل ايه وانت ماشي في يوم
لقيت انسان عارفه وحافظه
لامم حزن دفين
شايل مآسي جواه
وقع في قفص الاتهام
واتحاصر بظلم الناس
بين اتهام ظلم وغدر
وصرخ في وشك وقال
امشي بقي مش عايز اشوفك تاني
الأحد، 3 أكتوبر 2010
الجمعة، 10 سبتمبر 2010
عيد سعيد
الناس كتير بس الصوت مش كتير والعيدية لما تبقي كلمة طيبة من القليل من الناس كتيرة وكبيرة
كل سنة وانت طيبة يا شقاوة
اهلا بالعيد بالناس الطيبة
وضحكة احلى بنوتة صغنطوطة وفرحتها بالعيد احلى فرحة
اهلا اهلا بالعيد ... مرحب مرحب بالعيد
الثلاثاء، 27 يوليو 2010
فوائد قطع الكهرباء
من فوائد قطع الكهرباء
انك تنام بدري علشان تصحي فايق ورايق على الأخر الصبح بدري وتروح شغلك بنشاط
انك تنام خفيف علشان التلاجة مش هتقدر تقاوم الضلمة والأكل يبوظ
انك تتجمع لفترات طويلة مع باقي افراد عيلتك بدل ما انت مقضيها نت وشات وجرافيك وتكنولجيات
انك تعرف ان حكومتك بتخاف على مصلحتك وبتعدك عن المدونات اللي هتوديك اللومان
انك تعرف ان الحكومة بتساعدك في البحث عن الإلهام علشان شغل الماكس والمايا والسيما والفوتو وغيره وغيره
انك تعرف ان الحكومة بتخاف على صحتك من شرب الماء البارد احسن يجبلك احتقان في الزور
وعلشان تعرف اد ايه الحكومة بتهتم انك تصلي في وقت الصلاة بالظبط علشان لو اتأخرت ممكن ما تلاقيش ماية تتوضا بيها
علشان تقدر مجهود الحكومة في الحفاظ على مرتبك وتقلل من المبالغ الرهيبة اللي بتيجي في الفاتورة اخر كل شهر
وعلشان كل حرامي بيخاف من النور يقدر يمارس عمله في أوقات طويلة من اليوم
علشان تقدر قيمة الجاز والعالم اللي عمل لمبة الجاز
علشان ما تنساش اهلك زمان كانوا عايشين ازاي وتعيش عيشة أهلك لا تهلك
عزيزي الشعب المحروس من العين
ابن البلد
ابن مصر المحروسة
بلاش لمبة
انت نورها
Sh2awaaa
الأحد، 25 يوليو 2010
ابحث عن الرحيل
ابحث عن الرحيل
تائه مني او هربان
فكرت في المطاردة
ما كسبت منها سوى الركض والهرولة
من جهة إلى أخرى
ابحث وابحث
فيها انتقلت بين العواصف الرعدية
وبين الطرق المزدحمة
وسمعت هتافات الناس وشجارهم
خفت ان اذهب إلى مكان من هذا او ذاك
ففضلت العودة إلى مكاني الذي أعرف
فهو يأويني من برد أو حر
ربما
Sh2awaaa
السبت، 12 يونيو 2010
جبل
ساعات الزهق بيطلع حاجات غريبة
وساعات بيطلع حاجات جميلة
وساعات بيطلع حاجات عجب
مش عارفة الصورة دي طلعت تبع اني ساعة
Sh2awaaa
الخميس، 10 يونيو 2010
تليفون .... ألو
الو ...
فينك
في الشغل ...
مبروووووك
علي ايه ...
بقلك مبروك
على ايه ...
الظالم مات
ايه ...
بقلك الظالم مااااات
مش فاهمة ...
انت في ايه الظااالم مااااااااات مبروك
يعني ايه مش فاهمة حاجة .....
ابووووووووكي مات
Sh2awaaa
الثلاثاء، 12 يناير 2010
خلصت الحدوتة
توتة توتة خلصت الحدوتة ونزلت الستارة على أسخف حدوتة
حدوتة إنسان مغرور
عمل امبراطور
عاش ظالم وأل ايه مظلوم
واتقلب مجنون
وساق في الدور
واتهم المظلوم بالفجور
لحد ما وقع تايه مكسور
ظالم مظلوم
كان عامل امبراطور
أكله الفجور
ظالم مجنون
توتة توتة خلصت الحدوتة ونزلت الستارة على أسخف حدوتة
sh2awaaa
الاشتراك في:
الرسائل (Atom)